2007

Dagvaarding 2007

Op zaterdag 24 augustus 2007 heeft de dagvaarding plaatsgevonden van de gedaagde voor de zitting van 2007. Dit gebeurde in de Hoofdwacht aan het Vrijthof tijdens een rechtstreekse radiouitzending van de Vrolijke Medicijnen ziekenomroep. De gerechtsdeurwaarder Mr. Ramona Batta presenteerde de dagvaarding met de volgende tekst:

Vendaog, de vigilie vaan Preuvenemint-zoondag twiedoezend en zeve,ten verzeuke vaan ’t Wiecker Tribbenaol, gevestig te Wyck / Mestreech, höb iech gerechtsdeurwaarder Mr. Ramona Batta opgerope:

Mevrouw Barbara L. C. Knubben-Kraft

um:
op zoondag 25 november tweedoezend en zeve, in de naomiddag um twie oor, in persoen te versjen ropeeechen zijne ter zitting vaan ’t Wiecker Tribbenaol, rechsprekend en daan aldaor te hawwe in ‘t Gerechtsgebouw vaan ’t Wiecker Tribbenaol aon de Green (de Maastricht Music Hall, wat waor de Platte Zaol),

mèt de aonzègking:
Gezeen zwoerwaogende arguminte, nao deepgaond oonderzeuk verkrege in ’t sirkwie vaan woerhede, haaf woerhede, roddel en achterklap, zuut ’t Wiecker Tribbenaol ziech verpliech um Barbara L.C. ( kort gezag Beppie) Knubben-Kraft op te rope ter zitting,

teneinde:
Tot häör duipseel kin weure geliech en aon häör de gelegenheid kin weure gegeve um in ’t openbaar te verklaore wie ’t zoewiet is kinne komme. umtrent de feite: tot ’n aonklach vaan leefs veer punte veurligk, te wete
1. ’t gebruke vaan middele boeveur zie in d’n Tour de France al nao 100 meter gesjors zow zien .
2. medepliechtigheid aon mishandeling vaan mins en bies.
3. oonzorgvöldig umgoon mèt ’t eksklusieve karakter vaan eus leedsjes en dus eus Kultureel Erfgood.
4. ’n Bengkelikke karrière vaan noe al 50 jaor die dus wel erg vreug is begós boedoor de wèt op de kinderarbeid mèt veuj getroje moot zien. In de loup vaan die karrière is evels ouch oonder andere de ARBO-wèt veur muzikante en de wèt op de mededinging zwoer in ’t gedrang gekomme, jao zelfs euvertroje.

mitsdien
’t Hof vaan ’t Tribbenaol d’rop zal towzien tot de ketel flink gesjoord weurt en tot op ’n passende meneer rech getrokke weurt wat kroomp is gebleke, boebijj ’t Volk vaan Mestreech wel zal aongeve wat woer en neet woer liekent.

teves
höb iech, gerechsdeurwaarder, op d’n datum veurmeld, ten verzeuke vaan ’t Wiecker Tribbenaol, aon gedaagde aongezag:
a. tot verzèt tege deze oproop geine zin heet en zoonder nut is.
b. es de opgeropene dat toch meint te mote plege de rechterlikke mach häör tan zal laote zien;

De koste vaan dit exploit zien voor miech, gerechsdeurwaarder veurnump, ’t wèttelik vasgelag bedraag vaan PL 20 (20 preuv.lappe)

Is geteikend: Mr. Ramona Batta

Ouch vrund weure?

Sins 'n paar jaor heet ’t Wiecker Tribbenaol ‘ne groep vrun die ’t mèt meugelik make um zake die (väöl) sent koste toch te realisere. Veer hope ouch in volgende jaore ’n beroop op eus vrun te kinne doen. Wèlt geer ouch vrund weure, daan kin dat vaanaof ’n bedraag vaan € 20. Geer kint dat doen door ’t vrund-bedraag euver te make op rekening 94.65.62.091 t.n.v. Stg. Wieker Broonk. Gere eure naom en adres vermelde. Geer kint ouch kontak mèt us opnumme mèt behölp vaan 't contacformeleer of door 'ne email te sjikke aon sponsors@utwt.nl. Geef ouch dao eure naom en adres op. Es tegeprestasie rizzervere veer veur uuch 2 plaotse bij de volgende zitting.